ZəngimCELL üzrə Tez-tez Verilən Suallar
Zəngimcell xidməti, abunəliklər, qiymətlər və qaydalar haqqında ətraflı məlumat.
01. ZəngimCELL nədir?
ZəngimCELL xidməti sayəsində Sizə zəng edənlər standart və darıxdırıcı çağırış siqnalı əvəzinə sizin seçdiyiniz musiqi parçası və ya səs fraqmentini eşidəcəklər. Xidmət Azercell abunəçiləri üçün nəzərdə tutulub.
02. Xidmətə necə qoşulum?
Xidmətə qoşulmaq üçün istənilən ZəngimCELL parçasının kodunu SMS-lə 6900 və ya 6070 qısa nömrəsinə göndərin. Abunəlik müddətində xidmətdən məhdudiyyətsiz istifadə edə, yəni İSTƏDİYİNİZ QƏDƏR ZəngimCELL parçasını yükləyə bilərsiniz.
Bundan əlavə, 6900 qısa nömrəsinə zəng etməklə müxtəlif ZəngimCELL parçalarını dinləmək, seçmək və yükləmək mümkündür. 6900-a zəng ödənişlidir (0.06 AZN/dəq).
03. Birdən çox ZəngimCELL parçası yükləsəm, hansı səslənəcək?
Nömrənizdə birdən çox aktiv ZəngimCELL parçası olarsa, sonuncu yüklədiyiniz səslənəcək.
Əgər yalnız sonuncunun yox, nömrənizdə aktiv olan bütün ZəngimCELL parçalarının səslənməsini istəyirsinizsə, 111 yazıb SMS-lə 6900 və ya 6070 qısa nömrəsinə göndərin. Bu halda həmin parçalar növbəli şəkildə səslənəcəklər.
Əgər yuxarıdakı addımın əksini icra etmək istəsəniz (yəni yalnız sonuncu yüklənən ZəngimCELL parçasının səslənməsini istəsəniz), 222 yazıb 6900 və ya 6070 qısa nömrəsinə göndərməlisiniz. Bu sorğudan sonra yüklədiyiniz hər yeni ZəngimCELL parçası ən sonuncu yüklənən hesab olunacaq.
04. Xidmət haqqı nə qədərdir?
Daha ətraflı aşağıdakı cədvəldən tanış ola bilərsiniz:
| Abunəlik müddəti | Xidmət haqqı |
|---|---|
| 30 gün | 1.80 AZN |
| 29 gün | 1.74 AZN |
| 28 gün | 1.68 AZN |
| 27 gün | 1.62 AZN |
| 26 gün | 1.56 AZN |
| 25 gün | 1.50 AZN |
| 24 gün | 1.44 AZN |
| 23 gün | 1.38 AZN |
| 22 gün | 1.32 AZN |
| 21 gün | 1.26 AZN |
| 20 gün | 1.20 AZN |
| 19 gün | 1.14 AZN |
| 18 gün | 1.08 AZN |
| 17 gün | 1.02 AZN |
| 16 gün | 0.96 AZN |
| 15 gün | 0.90 AZN |
| 14 gün | 0.84 AZN |
| 13 gün | 0.78 AZN |
| 12 gün | 0.72 AZN |
| 11 gün | 0.66 AZN |
| 10 gün | 0.60 AZN |
| 9 gün | 0.54 AZN |
| 8 gün | 0.48 AZN |
| 7 gün | 0.42 AZN |
| 6 gün | 0.36 AZN |
| 5 gün | 0.30 AZN |
| 4 gün | 0.24 AZN |
| 3 gün | 0.18 AZN |
| 2 gün | 0.12 AZN |
| 1 gün | 0.06 AZN |
Qeyd: Nəzərə alın ki, xidməti ayrıca olaraq cədvəldə göstərilən hər hansı müddətə aktivləşdirmək mümkün deyil. Xidmətin müvafiq müddətlərə aktivləşməsi, xidmətə qoşulma zamanı nömrənizin balansındakı vəsaitə uyğun avtomatik çıxılma ilə baş verir.
05. Balansımda vəsait yoxdursa, xidmətdən istifadə edə bilərəm?
Bəli! Mobil nömrənizin balansında yetərli vəsait olmadığı təqdirdə belə xidmətdən istifadə edə bilərsiniz. Bu zaman xidmət Sizə 10 günlük (0.60 AZN) borca təqdim olunacaq.
Borc məbləği balansınızdan tam və ya hissə-hissə tutulacaq. 10 gün ərzində borc məbləğini tam çıxmaq mümkün olmadıqda, xidmət avtomatik olaraq ləğv ediləcək. Borc məbləğini tam ödədikdən sonra xidmətdən yenidən istifadə edə biləcəksiniz.
Borc məbləğini öyrənmək üçün *185*5#YES yığmaq lazımdır.
06. Xidməti necə dayandırım?
ZəngimCELL xidmətinə olan abunəliyi dayandırmaq üçün STOP və ya 000000 (sıfır) yazıb SMS-lə 6900 və ya 6070 qısa nömrəsinə göndərmək lazımdır.
Nömrənizdə aktiv olan hər hansı ZəngimCELL parçasını silmək üçün STOP [ZəngimCELL kodu] (Məsələn: STOP 498654) yazıb 6900 və ya 6070 nömrəsinə göndərməlisiniz.
07. Başqasında eşitdiyim ZəngimCELL-i necə yükləyim?
Hər hansı abunəçiyə zəng edərkən eşitdiyiniz ZəngimCELL parçasını yükləmək üçün zəng zamanı 2 dəfə * (ulduz) düyməsini basmağınız yetərlidir. Bu zaman həmin ZəngimCELL sizin nömrənizdə də aktivləşəcək.
08. Hədiyyə ZəngimCELL-i necə göndərim?
Hər hansı Azercell abunəçisinə ZəngimCELL hədiyyə etmək istəyirsinizsə, 6900 və ya 6070 nömrəsinə bu formatda sorğu göndərməlisiniz: H [ZəngimCELL kodu] [həmin abonentin nömrəsi] (Məsələn: H 498654 0501234567).
Hədiyyə göndərdiyiniz abunəçi hədiyyənizi qəbul etmək üçün beli [ZəngimCELL kodu] və ya imtina etmək üçün xeyr [ZəngimCELL kodu] yazıb SMS-lə 6070 nömrəsinə göndərməlidir.
Hədiyyə ZəngimCELL-ə görə xidmət haqqı sizin (hədiyyə göndərənin) balansınızdan tutulacaq. Abunəliyin yenilənməsi zamanı isə xidmət haqqı hədiyyəni qəbul edənin balansından çıxılacaq.
Qeyd: Əgər sizin və ya hədiyyə göndərdiyiniz şəxsin ödənilməmiş borcu varsa və borc müddəti (10 gün) başa çatıbsa, hədiyyə göndərmək mümkün olmayacaq.
